martes, 28 de julio de 2009

Pregón fiestas de Degaña ( gracias Xosé Ambás)

PREGÓN DE DEGAÑA 2009
Mira¡ ya lu dixi fa¡ unos dias en Grau au tamién me tocóu ser el pregoneiru dunas fiestas del miou concechu, nunca fui gran amigu nin de pregones nin de pregoneiros pq ya xente que muitas veces suelta unos rollos que nun aguanta nadie ya esos momentos del pregón ya cuando muita xente aproveita pa tomar un vermut ou un cubata, you el primeiru que namás entamar el pregón escapaba como una centel.la.
Asna que pa que nun escapeis ya nun vos aburrais ya nun digais vaya rollu que soltou esti Ambás vou faer un pregón familiar ya col corazón falando ya cuntando del.las cousas que me fan sentime bién nesta bendita tierra de Degaña.
Nos tiempos que vivimos tenemos nenos mui listos qu'aprenden muitu na escuela, saben au ta Malawi pero nun saben au ta Degaña, saben muitu inglés ya castel.lanu pero nun saben decir I.leite, nin l.lín nin l.lana nin tampoucu L.laciana. Son nenos que ven muita tele ya xuegan muitu bién cunas maquininas esas pequenas de tiqui tiqui pero qu'escuitan poucu a esos buelos que tanto-l.lys tienen que cuntar, todo esto ya un problema que lo que fai ya que temos perdiendo la nuesa identidá ya esa globalización ta uniformando ya matando la nuesa riqueza cultural, ese patrimoniu milenariu ta güei desapaiciendo ya se nun cambian las cousas d'eiquí a unos años será igual ser de Murcia que de Degaña pero you Lleguei a Degaña precisamente buscando esa riqueza cultural qu'agora se ta perdiendo ya que desapaicerá se nun faemos por conservala ya seguir tresmitiéndola.
Nunca se m'esqueicerá la primera vez que pisei Degaña, foi fai muitos años ya d'aquel.la you ya buscaba las chalgas de la nuesa música popular, aquel día you nun sabía que taba pisando’l Paraiso de la música tradicional asturiana, nun sabía que nesti impresionante val.le iva topar la mayor riqueza de cantares de tol territoriu asturianu.
You de nenu ya buscaba na enciclopedia asturiana aquel.la que yera encarnada los I.lugares asturianos que me chamaban l’atención ya alcuerdome qu'au falaba de Degaña salía una foto impresionante d'una casa tetada'i pacha col sou horru nu corral, era una casa a la vera1 riu d'aquel.las que Frizh Kruger ya retratara a entamos del sieglu nesti l.lugar de Degaña cuando tol pueblu taba cubiertu de centén, a este alemanón tamién-l.ly chamara l’atención esta zona pola sua riqueza paisaxística ya etnográfica pero d'aquel.la las cousas taban vivas ya fonon morriendo, esa casa que you vía na enciclopedia asturiana nuna fotografía en color yera de las últimas que se conservaban, cuando you cheguéi con gana de ver aquel.la costrución ya nun quedaban nin las muruecas, ya desapaiciera aquel patrimoniu, era una pena porque polo menos podían habese conserváu algunas casas ya pachares cubiertos de pacha como exemplu de la arquitectura tradicional d'esta contorna.
Igual que desapaecienon las casas de pacha tamién taba desapaeciendo la I.lingua ya los cantares ya los toques de pandereta ya tantas outras cousas.
Degaña nun yía un concechu con muitos pueblos pero cada I.lugar d'esta tierra tien unos matices culturales ya musicales que fan qu'esta parte del surocidente asturianu sea la más rica p'aquel.los que dedicamos el tiempu I.libre a estudiar la música tradicional d'Asturias.
Zarréu tien rasgos I.lacianiegos nel sou folklor, Degaña ya Fonduveigas col Rebol.lal tienen outros matices propios ya los pueblos cunqueiros de Trabáu ya El Corralín ya son outru mundo al que tenemos que xuntar los l.lugares vecinos d'I1 Bau ya A Estierna que onque pertenezan a Ibias son la miesma realidá cultural que los pueblos cunqueiros d'esti concechu'¡ Degaña.
Cada zona ya cada pueblo d'estos mantuvo hasta güei una riqueza de repertorios impresionante ya única dientro del territorio asturianu.
Las primeras mucheres que you entrevistei d'esti concechu fonon las hermanas María ya Arcides de Trabáu , el.las fonon las primeras maestras que you tube neste concechu ya a el.las-l.lys debo muitu, grandes tocadoras pero tamién grandes personas que fixenon que pasara a formar parte de la sua familia con el.las sei que tengo duas casas cuna puerta abierta, una nel Rebol.lal ya outra en Trabáu; podía falar d'el.las hasta mañana porque1 sou repertoriu ya infinitu ya d'esti repertoriu mamamos you ya outros muitos grupos asturianos, son una enciclopedia viva a la que-l.ly debemos muitu los amantes del folklor asturianu, a las duas vos mando un beisu de corazón. Que bona raza salíu de en quei’l Pasiegu de Trabáu ya que gran tocadora fui casar a en quei Madriles d’EI Rebol.lal.
Poucu después de conocer a María ya Arcides conocí a outra mucher que tamién foi mui importante pa mi onque la vida nun nos deixou pasar muitos momentos xuntos, foi María de la plaza Marinán, María1 Zapateiru, ella ya you vimonos cuatro veces pero'l día que faltóu sentila como a una amiga de siempre ya dame muita pena qu'el.la nun Llegara a ver "Camín de cantares" programa del qu'el.la tamién sería protagonista onque seique tará viendolo por un furaquín del cíelo ya tará acompañándonos cuna sua pandereta, tamién te mando un beisu María, gracias por tolo que m’enseñeste en tan poucu tiempu.
Vecina ya parienta de María la de la plaza Marinán de Degaña conocí d'aquel.la a Benina que onque natural d’EI Rebol.lal chieva tola vida en Degaña au se casóu en casa Pedro, Binina pasaos los noventa años foi protagonista d'un capítulo de "Camín de cantares" fai poucu tiempu, Benina ya de las d'antes, el sou tocar ya las suas tonadas son viechos ya por eso más guapos ya interesantes, a muita xente impresionou col sou programa que como tolos programas de "Camín" pasará a la historia pa siempre. A Benina ya-Lly di güei un chuchu en persona.
Tamién en Degaña conocí a una d'A Estierna que tocando la pandereta nun tien comparanza, tou falando duna que vos amasa'l pan ya vos arroxa1 fornu, tou falando d'Angelita d'El Caneiru, humilde cono que sabe pero maestra pa tolos qu'entiendan l’arte de la pandereta. Sigue asna ya que mañana te salga muitu bién el cantar del ramo que na tua voz ya cunu tou tocar sei que saldrá incomparable.
Zarréu era un I.lugar au you nun conocía a nadie hasta qu'apaecéu outra que tamién tengo por parienta, Ramona la d'Ancares. Conocer a Ramona pa mi foi como descubrir un tesoro una chalga cola que nadie contaba, la mia Ramona canta ya toca ya recita ya escribe, la mia Ramona además sabe los romances más guapos que you sentí nuna, Ramona doi gracias a Dios por conocete además nadie como tú cuenta los cuentos de Xuan ya Maruxa ya entrena cuna curdión nueva que beil.laremos la garrucha al tou son.
El Rebol.lal tamién foi pueblu de grandes tocadoras además de bonos cesteiros, allí conocí a Dolores ya’l sou home Gonzalo, ella gran panderetera ya él gran conocedor del mundu la cestería pero nesti l.lugar tamién conocí a Domingo que yía l’últimu tamburiteiru d'esti concechu, acompañóu muitas danzas de la redolada pero güei namás se danza en Trabáu ya nu l.lugar de Degaña fai tiempu que nun se ven los danzantes, you anímovos a recuperar la danza pa como siempre repito nun se pierdan las señas d'identidá que vos representan. Muitas gracias mando a tola vecindá d’EI Rebol.lal que tamién m'abrienon muitas puertas.
D'El Corralín que güei ta sin xente conocí fai un tiempu a la madre de la mia amiga Rosa, Mariluz foi la protagonista más moza de "Camín de cantares" pero’l sou tocar deixóu a más d'unu plasmáu ya la sua mocedá ya bon exemplu de cómo la tradición se mantuvo nestas tierras hasta estos tiempos. Marilú gracias tamién de corazón por tar siempre ahí.
Nun penseis que m'esqueizu de Funduveigas, ya vos dixe que de tolos I.lugares d'esta tierra saquei bonas informaciones ya en Funduveigas aprendí del.los cantares con varias vecinas como Sara la de Baldomero, Milia la Fonte ya Elena del Rei, pero nesti I.lugarín tamién hai un gaiteiru del que rnuitu se sacóu, Antón de Salvador , ya veis que en tolos I.lugares d'esti concechu teneis tesoros, enciclopedias vivas que mantuvieron las vuesas tradiciones, sería imperdonable que las nuevas xeneraciones deixaran perdese este patrimoniu.
Podía falar d'esta xente ya los sous repertorios hasta mañana pero vou despedime recordandovos que cada día teneis que tar más orguyosos de pertenecer a esti concechu inigualable pola riqueza de la sua tradición oral, con esti pregón convido al ayuntamientu a faer un discu con grabaciones d'esta xente, contais claramente cola mia ayuda.
Sentivos orguyosos ya nun renegeis de los vuesos orixenes, peleai por que nun se pierda la I.lingua d'esta contorna, igual que nun podemos deixar que s'acabe esta fiesta de Santiagu, pensai qu'esta xente de la que vos falei son tesoros que mantuvienon las señas d'identidá musicales d'esti pueblu.
La xente d'outras zonas d'Asturias dime que tiro muitu pa esta parte ya you digo que si "Camín de cantares" tira más p'alantre seguiréis faendo programas con xente d'esta tierra ondel patrimoniu ya infinitu ya duna riqueza incomparable.
Puxa Degaña, Puxa Santiagu ya puxa Asturias.
Xosé Ambás

4 comentarios:

Noelia dijo...

¡Qué guapo pregón! a ver si nos enteramos de que son más las cosas que nos unen que las que nos separan...

Xastre dijo...

Grande, grandísimo Xosé Ambás, que une a su impresionante conocimiento de los bailes, las canciones y la lengua de nuestra zona, una humanidad ilimitada y una excelente disposición para charlar con cualquier persona que desee tener una conversación con él. Ambás es irrepetible, pero ¡cuánta falta nos hacen más "Xosés Ambás" en Asturias!

Rosa cunqueira dijo...

Ambas deixasteme sin palabras cuando las atoupe direite algua cousa . muitas gracias miou neno.
Tamien gracias al de Degaña por ponenoslo aiqui a xiente que nun pudo tar aid.i.

El Bao dijo...

Que grande Ambas, cada día se hace querer un poco más. Beisius desde El Bao.

Entradas por fechas